আজি শাৰদীয় শ্ৰীশ্ৰী দুৰ্গাপূজাৰ বিল্ববোধন৷আজিৰ দিনটোত বেলগছৰ তলত পূজাৰ্চনা কৰি শক্তিৰ অধিষ্ঠাত্ৰী দেৱী দুৰ্গাক মূলপূজা মণ্ডপলৈ আদৰি আনে৷পুৰুহিতৰ মন্ত্ৰোচ্চাৰণ,আয়তিৰ উৰুলি,ঢোলবাদ্য আদি বিভিন্ন মাংগলিক বাদ্যযন্ত্ৰৰ বাজনা তথা আধ্যাত্মিক ভাবে দেৱীক আদৰি অনা দৃশ্য অতি মনোৰম৷আজি বিল্ববোধনৰ দিনা অন্যন্যা প্ৰান্তৰ লগতে নলবাৰী জিলাৰ উল্লেখনীয় পূজাস্থলী পশ্চিম বড়িগোগ সাৰ্ব্বজনীন শ্ৰীশ্ৰী দুৰ্গাপূজা,দেহাৰকুছিয়ো আজি মহা ষষ্ঠীৰ কাৰ্য্যসূচী ৰূপায়িত কৰে৷পূৱা পতাকা উত্তোলন,স্মৃতি তৰ্পণ,ভূমিদাতাৰ প্ৰতিচ্ছবিত মাল্যাৰ্পণ আদিৰ পিচত সন্ধিয়া বন্তি প্ৰজ্বলন,বিল্ববোধনৰ বাবে শোভাযাত্ৰা,বিল্ববোধনৰ অন্তত টোপধ্বনি আৰু আটচবাজী প্ৰজ্বলনৰে ষষ্ঠীপূজাৰ কাৰ্য্যসূচী সমাপ্ত কৰে৷৷