নলবাৰী সমষ্টিৰ অন্তৰ্গত দেহাৰকুছি গাওঁ পঞ্চায়তৰ অধীনস্থ পশ্চিম বড়িগোগ সাৰ্ব্বজনীন শ্ৰীশ্ৰী দুৰ্গাপূজা মণ্ডপ,দেহাৰকুছি প্ৰাংগনত প্ৰয়াত পিতৃমাতৃৰ পবিত্ৰ স্মৃতিত কেইবালাখো টকা ব্যয় সাপক্ষত নিৰ্মাণ কৰা এটি আটকধুনীয়া সভাঘৰ আজি দুপৰীয়া মংগলদৈ লোকসভা সমষ্টিৰ সাংসদ তথা বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াই আনুষ্ঠানিক ভাবে উদ্বোধন কৰে৷উল্লেখ্য যে প্ৰয়াত পিতৃ প্ৰবীন চন্দ্ৰ শইকীয়া আৰু মাতৃ পুস্পলতা শইকীয়াৰ পূণ্য স্মৃতিত সাংসদ গৰাকীৰ লগতে পৰিয়ালৰ সহযোগত উক্ত সভাঘৰটো নিৰ্মাণ কৰিছিল৷আজি উক্ত সভাঘৰটো সাংসদ গৰাকীয়ে উদ্বোধন কৰি কয় যে পিতৃমাতৃৰ স্মৃতিত সভাঘৰটো নিৰ্মাণ কৰিব পায় পৰম সন্তোষ অনুভৱ কৰিছোঁ৷উদ্বোধনী অনুষ্ঠানত মণ্ডপ পৰিচালনা সমিতিৰ বিষয়ববীয়া,পূজা পৰিচালনা সমিতিৰ বিষয়ববীয়াৰ লগতে অঞ্চলৰ ধৰ্মপ্ৰাণ ৰাইজে সহযোগ কৰে৷