চিলাপথাৰৰ সাৰ্বজনীন পুজা কমিটিয়ে এইবাৰ ৫৪ তম বৰ্ষত ভৰি দিলে । নগৰখনৰ লিকাবালি ৰ'ড , কৃষ্ণ মন্দিৰৰ সমীপৰ সাৰ্বজনীন পুজা সমিতিয়ে এইবাৰ কেদাৰনাথ মন্দিৰৰ আৰ্হিৰে আটকধুনীয়া কৈ নিৰ্মাণ কৰা পুজা মণ্ডপ চাবলৈ এতিয়া স্হানীয় ৰাইজে ভীৰ কৰা পৰিলক্ষিত হৈছে । বিগত দুটা বছৰ ক'ভিড মহামাৰীৰ পৰিপ্ৰেক্ষিতত একপ্ৰকাৰ স্থবিৰ হৈ পৰা উৎসৱ-পাৰ্বণ বোৰৰ দৰে শাৰদীয় দুৰ্গা পূজাই ও যেন পুনৰ প্ৰাণ পাই উঠিছে । অন্যান প্ৰান্তৰ লগতে এইবাৰ চিলাপথাৰটো দেখা গৈছে শাৰদীয় দুৰ্গা পুজাক লৈ ৰাইজৰ মাজত ব্যাপক উৎসাহ উদ্দীপনা । চিলাপথাৰ এলেকাত প্ৰায় অৰ্ধ কুৰিখন পুজা মণ্ডপ ইতিমধ্যে আটকধুনীয়া কৈ সজাই তুলিছে স্হানীয় নিজা কমিটি সমূহে ।