বিশ্বনাথ জিলাৰ ধূলি চাহ বাগিছা খেলপথাৰত আজি সদৌ অসম আদিবাসী ছাত্ৰ সন্থা (আছা) বিশ্বনাথ জিলা সমিতিৰ উদ্যোগত আৰু আদিবাসী সাহিত্য সভাৰ অাৰু ৰাইজৰ সহযোগত আদিবাসী শান্তি চুক্তি স্বাক্ষৰ কাৰি গোটক বিশেষ অভিনন্দন অনুষ্ঠান অনুষ্ঠিত কৰা হয়। আদিবাসী শান্তি চুক্তি স্বাক্ষৰ কৰা পাচটা অস্ত্ৰধাৰি সংঘটনৰ সেনাদক্ষ সকলক সম্বৰ্ধনা জনোৱাৰ লগতে বিশ্বনাথ জিলা কেদাৰ সকলকো সম্বৰ্ধনা জনোৱা হয়। উক্ত অনুষ্ঠানত অাদিবাসী সকলৰ পৰম্পৰা নৃত্য অাদিৰে উৎসৱ মোখৰ পৰিৱেশ কৰি তুলে।
উক্ত অনুষ্ঠানত সদৌ অসম আদিবাসী ছাত্ৰ সন্থা আছা কেন্দ্ৰীয় সমিতিৰ সম্পাদক নোৱাছ বাৰ্লা, কাৰ্যালয় সম্পাদক পল্লাস বাৰ্লা কাৰ্যনিৰ্বাহ সদস্য দীনেশ তপ্প, আছা শোনিতপুৰ জিলাৰ সভাপতি অমৰজিৎ কেৰ্কেটা, বিশ্বনাথ জিলা সমিতিৰ সভাপতি অমিত কিণ্ড, সহ সম্পাদক আৰমান কিণ্ড, শিক্ষা সম্পাদক আশিষ তপ্প, সাংস্কৃতিক সম্পাদক শিৱা মুণ্ডা, প্ৰচাৰ সম্পাদক মনেশ্বৰ মুণ্ডা, আছাৰ ঘিলাধাৰী আঞ্চলিক সমিতিৰ সম্পাদক ধ্ৰুৱ কৰ্মকাৰ, আছা ১ নং প্ৰাথমিক গোটৰ সভাপতি পোনো খাৰিয়াকে ধৰি বহু কেইগৰাকী গন্য মান্য ব্যক্তি উপস্থিত থাকে।
