নুমলিগড়ৰ দেইথৰত বনৰীয়া হাতীৰ উপদ্ৰৱ

বৃহস্পিবাৰে পূৱা এগৰাকী মহিলাক আক্ৰমন কৰা ফলত মৃত্যু হোৱা ঘটনা মাৰ নেজাওঁতেই পুনৰ এজন যুৱকক আক্ৰমন কৰি গুৰুতৰ আহত কৰা ঘটনাই জুকাৰি গৈছে অঞ্চল বাসিক।

গোলাঘাট জিলা অন্তৰ্গত নুমলিগড়ৰ দেইথৰ অঞ্চলত আজি পুৱাৰে পৰা নামবৰ দৈগ্ৰং অভয়াৰণ্য পৰা খাদ্যৰ সন্ধানত ওলাই অহা প্ৰায় ৬০-৭০ জনীয়া বনৰীয়া হাতীৰ এটা জাকে এখন চাহ বাগিচাত কৰ্মৰত দাদু তিচুপি নামৰ প্ৰায় ৪০ বছৰীয়া মহিলাক আক্ৰমন কৰা ফলত মৃত্যু ঘটনা সংঘটিত হোৱা পিছতেই আজি সন্ধিয়া পুণৰ একে অঞ্চলতে পুনৰ হাতীৰ আক্ৰমণত পাপূ মাঝি নামৰ আন এজন যুৱক গুৰুতৰ ভাবে আঘাতপ্ৰাপ্ত হোৱা পিছত ততাতয়াকৈ স্থানীয় ৰাইজৰ সহযোগত গোলাঘাট শ্বাহিদ কুশল কোঁৱৰ অসামৰিক চিকিৎসালয়ত ভৰ্তি কৰোৱা হয়।