लांजा : तालुक्यातील १५ ग्रामपंचायतीच्या सार्वत्रिक निवडणुका अधिक रंगतदार होणार असून १२१ पदांसाठी २४८ अर्ज प्राप्त झाले आहेत. सर्व अर्ज छाननी प्रक्रियेच्या वेळी वैध ठरविण्यात आले आहे. तालुक्यातील १५ ग्रामपंचायती, ४५ प्रभाग १२१ सदस्य, १५ सरपंच अशा एकूण १२६ जागांसाठी ४५ मतदान केंद्रांवर निवडणूक होणार आहे. बेरवली बुद्रुक, प्रभानवल्ली, कोचरी, गोविळ, कोलें, शिरवली, व्हेळ, रिंगणे, हर्चे, झापडे, कोंड्ये, गवाणे, कोलधे, देवधे, उपळे या ग्रामपंचायतींमध्ये दि. १६ ऑक्टोबरला मतदान होणार असून दि. १७ ऑक्टोबरला मतमोजणी होणार आहे. सरपंच पदासाठी ५२, सदस्य पदासाठी २४८ असे एकूण ३०० अर्ज दाखल झाले आहेत. बुधवारी प्राप्त झालेल्या सर्व अर्जांची छाननी करण्यात आली. छाननीत प्राप्त झालेले सर्व अर्ज वैध ठरविण्यात आले आहेत.