সুব্ৰত কাপলৈ অসম দল ৰাওনা
নতুন দিল্লীত অনুষ্ঠিত হব লগা ১৭ বছৰ অনুৰ্দ্ধ সুব্ৰত কাপ ফুটবল প্ৰতিযোগিতাত অসমৰ হৈ অংশগ্ৰহণ কৰিব লগা চৰাইদেউ জিলাৰ বামপথাৰ বেঙেনাবাৰী উচ্চতৰ মাধ্যমিক বিদ্যালয়ৰ দলটোৰ খেলুৱৈ সকলৰ আজি ভজো ষ্টেচনৰ পৰা ৰেল যোগে যাত্ৰা আৰম্ভ কৰিছে। আজি দলটোৰ খেলুৱৈ সকলে যাত্ৰা আৰম্ভ কৰাৰ পূৰ্বে ভজো ষ্টেচনত এক সমবৰ্ধন অনুষ্ঠানৰ আয়োজন কৰা হয়। বামপথাৰ বেঙেনাবাৰী উচ্চতৰ মাধ্যমিক বিদ্যালয়ৰ অধ্যক্ষ জুৰি দেৱী ফুকনে আঁতধৰা অনুষ্ঠানটোত উপস্থিত থকা শিৱসাগৰ আৰু চৰাইদেউ জিলাৰ বিদ্যালয় সমূহৰ পৰিদৰ্শক কমল গগৈয়ে দলটোৰ প্ৰতিজন খেলুৱৈ, প্ৰশিক্ষক আৰু মেনেজাৰক একোখনকৈ ফুলাম গামোচাৰে সম্বৰ্ধনা জ্ঞাপন কৰে। অনুষ্ঠানত বিদ্যালয়খৰ হৈ অধক্ষ্য জুৰি দেৱীয়েও দলটোৰ প্ৰতিজন সদস্যক শুভেচ্ছা জ্ঞাপন কৰি সমবৰ্ধন জনায়। উল্লেখযোগ্য যে বামপথাৰ বেঙেনাবাৰী উচ্চতৰ মাধ্যমিক বিদ্যালয়ৰ দলটো চলিত বৰ্ষত অনুষ্ঠিত হোৱা দেউকণ ট্ৰফী ফুটবল প্ৰতিযোগিতাত চেম্পিয়ন হোৱাৰ সূত্ৰে ৰাষ্ট্রীয় স্তৰৰ সুব্ৰত কাপ অনুৰ্দ্ধ ১৭ ফুটবল প্ৰতিযোগিতাত অংশগ্ৰহণ কৰাৰ সুযোগ লাভ কৰিছে
