২ অক্টোবৰৰ পৰা পৰ্যটকৰ বাবে মুকলি হ'ব বিশ্ব ঐতিহ্যক্ষেত্ৰ কাজিৰঙা ৰাষ্ট্ৰীয় উদ্যানৰ দ্বাৰ।এই কথা প্ৰকাশ কৰিছে ৰাজ্যৰ প্ৰধান মুখ্য বন সংৰক্ষক এম কে যাদৱে। উল্লেখ্যে যে মুখ্যমন্ত্ৰীয়ে সদগুৰুক লৈ উদ্যান মুকলি কৰাৰ পিছতেই প্ৰতিক্ৰিয়াৰ সৃষ্টি হৈছিল।কাজিৰঙাৰ পৰ্যটন ব্যৱসায় তথা পৰ্যটকসকলৰ মাজতো কাজিৰঙা মুকলিক লৈ বিভ্ৰান্তিৰ সৃষ্টি হৈছিল।অৱশেষত সকলো বিতৰ্ক আৰু বিভ্ৰান্তি আতৰ কৰি ২ অক্টোবৰৰ পৰা ৰাষ্ট্ৰীয উদ্যানখন মুকলি কৰাৰ কথা প্ৰকাশ কৰে এম কে যাদৱে।এতিয়া পৰ্যটকক আদৰিবলৈ সাজু হৈছে সকলো।স্মৰ্তব্য যে সদ্যহতে জীপ চাফাৰী মুকলি হ'ব যদিও নবেম্বৰ মাহৰ পহিলা তাৰিখৰ পৰাহে হাতী চাফাৰী মুকলি হ'ব।