वैजापूर तालुक्यातील पोखरी येथे बुधवार (ता.27) रोजी मनुर पशु वैद्यकीय दवाखाना अंतर्गत जनावरांच्या लंपी आजाराचे लसीकरण करण्यात आले. सकाळी 8 वाजता पशुसंवर्धन विकास अधिकारी मयूर कडवे यांच्या उपस्थितीत पोखरी गावातील 4 महिन्यांवरील बैल व गाय प्रजातीच्या जनावरांना लंपी आजारावरील लसीकरण करण्यात आले. यावेळी गाव परिसरातील मोठ्या प्रमाणावर शेतकऱ्यांनी आपआपली जनावरांचे लसीकरण करून घेतले.दरम्यान पशु वैद्यकीय अधिकाऱ्यांनी शेतातील जनावरांचेही शेतात जाऊन लसीकरण केले. याप्रसंगी ग्रामपंचायतचे सरपंच, उपसरपंच, सर्व ग्रामपंचायत सदस्य व पशुपालन शेतकऱ्यांची उपस्थितीती होती. ग्रामपंचायतने पशुपालकांना गोठा फवारणी हायफोक्लोडाईडसाठी औषध वाटप केले.