सेनगांव तालुक्यातील जवळा बुद्रुक येथील रहिवाशी असलेल्या वयोवृद्ध महिला चंद्रभागाबाई मनोहर विभुते यांच्या राहत्या घराला अचानक आग लागून यामध्ये त्यांचे संसारपयोगी साहित्य मोठ्या प्रमाणात जळून खाक झाल्याने त्यांच्यावर मोठे संकट कोसळले होते.तर सेनगांव तहसील कार्यालया मार्फत सदर पीडित कुटुंबाला नुकसान भरपाईचा धनादेश आज देण्यात आला आहे. सेनगांवचे तहसीलदार जिवककुमार कांबळे यांच्या मार्गदर्शनाखाली हा अनुदानाचा धनादेश आज देण्यात आला आहे.यावेळी राष्ट्रवादी काँग्रेस पार्टीचे प्रदेश सचिव परमेश्वर इंगोले,दीपक पंडित,धोंडू इंगोले,गजानन हलगे यांच्यासह इतरांची उपस्थिती होती.