সোণাৰিস্থিত চৰাইদেউ মহকুমা পুথিভঁৰাল প্ৰাঙ্গনত আজি ৰাজা ৰাম মোহন লাইব্ৰেৰী ফাউণ্ডেছন আৰু সাংস্কৃতিক মন্ত্ৰালয়ৰ উদ্যোগত চৰাইদেউ মহকুমা পুথিভঁৰালৰ সহযোগত আধুনিক ভাৰত নিৰ্মাতা ৰাজা ৰামমোহন ৰায়ৰ ২৫০ সংখ্যক জন্মজয়ন্তী উপলক্ষে সোণাৰি চহৰত নাৰী সৱলীকৰণৰ এক সমদল উলিয়ায়। তাৰ লগত সংগতি ৰাখি এখনি সভা অনুষ্ঠিত হয়। উক্ত সভাত সোণাৰি সমষ্টিৰ বিধায়ক ধৰ্মেশ্বৰ কোঁৱৰ উপস্থিত থাকি ৰাজা ৰামমোহন ৰায় দেৱৰ জীৱনীৰ ওপৰত চমু আলোকপাত কৰা লগতে নাৰী সৱলীকৰণৰ ক্ষেত্ৰত গুৰুত্বপূৰ্ণ মন্তব্য আগবঢ়ায়। তেখেতে চৰাইদেউ মহকুমা পুথিভঁৰালৰ এনে পদক্ষেপক ধন্যবাদ জ্ঞাপন কৰে। এই সভাত উপস্থিত থাকে নাগালেণ্ডৰ প্ৰাক্তন বিধায়ক জন কন্যাক, লাইব্ৰেৰীয়ান সংগীতা চেতিয়া, বিজেপি ৰাজ্যিক সদস্য দিলীপ কোঁৱৰৰ লগতে তিনি শতাধিক ছাত্ৰীয়ে অংশগ্ৰহণ কৰে।