उद्योग महर्षि स्व. उदयसिंह मोहिते पाटील यांच्या जयंतीच्या निमित्ताने विजय गणेशोत्सव मंडळ शंकर नगर अकलूज यांच्यावतीने आयोजित केलेल्या शालेय व खुल्या गटातील चित्रकला स्पर्धाचा बक्षीस वितरण समारंभ संपन्न झाला.
सहकार महर्षि शंकरराव मोहिते पाटील इंजिनिअरिंग कॉलेज या ठिकाणी आयोजित केलेल्या बक्षीस वितरण समारंभास माजी उपमुख्यमंत्री विजयसिंह मोहिते पाटील, डीवायएसपी डॉ.बसवराज शिवपुजे, सौ.सत्यप्रभादेवी मोहिते पाटील, रावसाहेब भिलवडे, अँड. नितीनराव खराडे पाटील, कारखान्याचे कार्यकारी संचालक राजेंद्र चौगुले, सेक्रेटरी आनंद माने देशमुख, श्रीकांत राऊत, लक्ष्मण आसबे आदी मान्यवर उपस्थित होते. खुल्या गटातील स्पर्धेचे उद्घाटन माजी सरपंच शिवतेजसिंह मोहिते पाटील यांच्या हस्ते झाले.
चित्रकला स्पर्धेत माळशिरस तालुक्यातील १३ केंद्रातून सुमारे सात हजार स्पर्धकांनी सहभाग घेतला. या स्पर्धेत केंद्र पातळी व तालुका पातळी साठी स्वतंत्र बक्षिसे देण्यात आली.
प्रस्ताविक चंद्रकांत कुंभार यांनी केले तर आभार फातिमा पाटावाला यांनी मानले.तानाजी काशिद,दत्ता शिंदे, सिध्दनाथ टिंगरे आदींनी स्पर्धा यशस्वी केली.
