👉প্ৰতাপগড়ঃ শিশুৰ বাবে আৰম্ভ কৰিছে জিলা আৰক্ষী মুখ্য কাৰ্যালয়ে। থানালৈ অহা শিশুসকলে এতিয়া আৰক্ষীৰ এক বেলেগ ভাবমূর্তি দেখিবলৈ পাব৷ কোনো কাৰণত যদি শিশুসকল পিতৃ-মাতৃ বা আত্মীয়-স্বজনৰ সৈতে থানালৈ আহে, তেন্তে তেওঁলোকে ইয়াত প্লে স্কুলৰ পৰিৱেশ এটা পাব। শিশুসকলৰ বাবে থানাত খেলনা, কিতাপ আদি সামগ্ৰীৰ লগতে ভাগৰুৱা হ’লে জিৰণি ল’ব পৰাকৈ বিচনাও উপলব্ধ হ’ব। প্ৰতাপগড় জিলাৰ পাৰসোলা থানাত সংঘটিত হৈছে এই উদ্ভাৱন। এই থানাখনক বালমিত্ৰ থানা হিচাপে ঘোষণা কৰা হৈছে।
◾এছ পি অনিল বেনিৱালে কয় যে কৈলাশ সত্যৰ্থী শিশু ফাউণ্ডেশ্যন, বাজাজ ফাউণ্ডেশ্যন আৰু গায়ত্ৰী সেৱা প্ৰতিষ্ঠানৰ যৌথ প্ৰচেষ্টাত এই অভিনৱ পদক্ষেপ আৰম্ভ কৰা হৈছে। থানাৰ ‘বল মিত্ৰ ৰুম’ উদ্বোধন কৰে ধৰিয়াৱদ পঞ্চায়ত সমিতিৰ মুৰব্বী হকাৰী দেৱী মীনাই। প্লে গ্ৰুপ স্কুলৰ দৰে বাল মিত্ৰ ৰুমত পেইন্টিং, খেলনা, শিশুৰ আগ্ৰহৰ কিতাপ, টিভি, বিচনা আৰু অন্যান্য মনোৰঞ্জনৰ সামগ্ৰী উপলব্ধ।
◾কৈলাশ সত্যাৰ্থী শিশু ফাউণ্ডেচনে আৰম্ভ কৰা ‘বল মিত্ৰ থানা’ ধাৰণাটোৰ মূল উদ্দেশ্য হৈছে আৰক্ষী থানাত যিসকল শিশুক কোনোবা নহয় কোনোবা ৰূপত অপৰাধৰ লগত জড়িত হোৱা দেখা যায়, তেওঁলোকক এনে এক ইতিবাচক পৰিৱেশ প্ৰদান কৰা। ইয়াৰ আঁৰৰ উদ্দেশ্য হৈছে এনে এক অনুকূল পৰিবেশ এই শিশুসকলক দিব লাগে, যাতে তেওঁলোকে নিজৰ জীৱনৰ নেতিবাচক দিশবোৰ পাহৰি জীৱনত আগবাঢ়ি গৈ ভাল কাম কৰিব পাৰে।
