বহু বছৰৰ পৰা নিজ অঞ্চলত গছপুলি ৰোপন কৰি অহা , অঞ্চলটোত প্ৰকৃতিপ্ৰেমী শিক্ষক হিচাবে জনাজাত , পৰবৰ্তী সময়ত ৰাজনীতিত নামি বিধায়ক হোৱা সোণাৰি সমষ্টিৰ বিধায়ক তথা প্ৰকৃতিপ্ৰেমী ধৰ্মেশ্বৰ কোঁৱৰৰ বিশেষ উদ্যোগত চকিয়াল যুৱ সমাজৰ সহযোগত সোমবাৰে ঐতিহাসিক চৰাইদেউ মৈদাম প্ৰাঙ্গণ আৰু ঐতিহাসিক শ-ধোৱা পুখুৰীৰ পাৰত শতাধিক গছপুলি ৰোপনৰ কাৰ্যসূচী হাতত লয় । এই কাৰ্যসূচীত সমাজকৰ্মী অতুল ৰাজকোঁৱৰ,প্ৰাক্তন আছুনেতা ৰঘু ৰাজকোঁৱৰ,যুৱনেতা পবিত্ৰ গগৈ,জ্যোতিষ কোঁৱৰ,সুৰুষ বৰগোহাঁই আৰু সাংবাদিক প্ৰণৱ বৰগোহাঁই উপস্থিতি থাকি সহযোগিতা আগবঢ়াই ৷।উল্লেখযোগ্য যে বিধায়ক গৰাকীয়ে জিলাখনৰ বিভিন্ন স্থানত লক্ষাধিক গছপুলি ৰোপন কৰাৰ লগতে মৈদাম ক্ষেত্ৰটো বহু বছৰৰ পৰা বহু ফলমুলৰ পুলি ৰোপন কৰি তাক প্ৰতিপালন কৰি আহিছে । জিলাখনৰ ধংসৰ গৰাহত পৰা চলা সংৰক্ষিত বনাঞ্চলখনো স্থানীয় ৰাইজৰ সহযোগত সংৰক্ষণত জড়িত হৈ পৰিছে বিধায়ক গৰাকী ৷