শিশু আৰু মাতৃ সকলৰ পৰিপুষ্টিৰ সজাগতা সৃষ্টিৰ উদ্দেশ্যেৰে পালন কৰা হৈছে এই  পোষণ মাহৰ ৷ পশ্চিম গোলাঘাট সংহত শিশু উন্নয়ন প্ৰকল্প,বোকাখাতৰ উদ্যোগত পোষণ মাহ উপলক্ষে লৈছে বিশেষ কায্যসূচী । বাদুলিপাৰ পঞ্চায়ত আৰু গুলোংটেমেৰা পঞ্চায়তৰ সকলো কৰ্মী-সহায়িকাৰ উপস্থিতিত পুষ্টিমেলাৰ লগতে সজাগতা সভা অনুষ্ঠিত হয় ৷ প্ৰকল্পটোৰ প্ৰকল্প বিষয়া, পোষন বিভাগৰ বিষয়-ববীয়া সকলে অংশ লোৱা সভাত শিশু- প্ৰসুতি মাতৃ আৰু গৰ্ভাৱতী মহিলা সকলে পুষ্টিকৰ আহাৰ তথা ঘৰতে উৎপাদন হোৱা সেউজীয়া শাক-পাচলি খোৱাৰ দিশত গুৰুত্ব দিয়া হয়। পোষন মাহৰ লগত সংগতি ৰাখি আয়োজন কৰা হৈছে পোষণ বজাৰৰ । গৰ্ভাৱতী মহিলা সকলে কেনেধৰণৰ আহাৰ গ্ৰহণ কৰিব লাগে সেইসমূহ অতি সুন্দৰৰূপত উপস্থাপন কৰিছে কৰ্মীসকলে ৷