তিনিচুকীয়া জিলাৰ লংছোৱালৰ গুৰুকুল সমীপত সংঘটিত পথ দুৰ্ঘটনাত থিতাতে নিহত হৈছে দুগৰাকী মহিলা।
ইয়াৰ বিপৰীতে দুৰ্ঘটনাটোত দুগৰাকী মহিলা গুৰুতৰভাৱে আহত হয়।
তিনিচুকীয়াৰ পৰা শদিয়া অভিমুখে গৈ থকা AS23CC8666 নম্বৰৰ সামগ্রী কঢ়িওৱা এখনত একে দিশৰ পৰা গৈ থকা AS23CC7848 নম্বৰৰ বলেৰ' পিকআপ বাহনে পাছফালৰ পৰা খুন্দা মৰা ফলত ভয়ংকৰ দুৰ্ঘটনটো সংঘটিত হয়।
জানিব পৰা মতে নিহত আৰু আহত হোৱা মহিলা কেইগৰাকী তিনিচুকীয়ালৈ সপ্তাহিক বজাৰত শাক-পাচলি বিক্ৰী কৰি উভতি গৈছিল ।
নিহত হোৱা মহিলা দুগৰাকী শদিয়া ন-তৰাণী গাঁৱৰ বুলি জানিব পৰা গৈছে।
আহত হোৱা মহিলা দুগৰাকীক সংকটজনক অৱস্থাত তিনিচুকীয়া অসামৰিক চিকিৎসালয়ৰলৈ প্ৰেৰণ কৰা হৈছে।
ইতিমধ্যে ঘটনাস্থলীত ডুমডুমা আৰক্ষী উপস্থিত হৈ মৃতদেহ কেইটা উদ্ধাৰ কৰাৰ লগতে দুৰ্ঘটনা সংঘটিত কৰা বলেৰ' পিকআপ খন সহ চালকক ডুমডুমা আৰক্ষীয়ে কৰায়ত্ব কৰে।
