সোণাৰিত একক ব্যৱহাৰযোগ্য প্লাষ্টিক ব্যৱসায়ীৰ বিৰুদ্ধে আজি আকস্মিক অভিযান চলাই সোণাৰি পৌৰসভাই। সোণাৰি নগৰত একক ব্যৱহাৰযোগ্য প্লাষ্টিক ব্যৱহাৰৰ ক্ষেত্ৰত কঠোৰ নিৰ্দেশনা জাৰি কৰি ৰখাৰ পাছতো একাংশ অসাধু ব্যৱসায়ীয়ে গোপনে মজুত কৰি ৰখাৰ লগতে বিক্ৰী অব্যাহত ৰাখিছে প্লাষ্টিকৰ বেগ আদি। ইয়াৰ পৰিপ্ৰেক্ষিতত আজি সোণাৰি পৌৰসভাই আকস্মিক অভিযান চলোৱা পৰিলক্ষিত হয়। সোণাৰি নগৰৰ বিভিন্ন ঠাইত মজুত কৰি ৰখা গোডামসমূহত অভিযান চলাই সোণাৰি পৌৰসভাই একক ব্যৱহাৰযোগ্য প্লাষ্টিকৰ ব্যৱসায় বন্ধ কৰিবলৈ সতৰ্ক কৰি দিয়ে অসাধু ব্যৱসায়ীসকলক।