তেজপুৰ সংসদীয় সমষ্টিৰ সাংসদ পল্লবলোচন দাসে আজি নাৰায়ণপুৰ প্ৰেছ ক্লাবৰ সদস্যসকলৰে এক সৌহাদ্যপূৰ্ণ আলোচনাত মিলিত হয় ৷ কেইবাটাও কাৰ্যসুচী লৈ নাৰায়ণপুৰলৈ অহা সাংসদগৰাকীয়ে নাৰায়ণপুৰ প্ৰেছ ক্লাবলৈ আহি সাংবাদিকসকলৰ সৈতে বাৰ্তালাপ কৰাৰ লগতে সৌহাদ্যপূৰ্ণ আলোচনাত মিলিত হয় ৷ অসম সাহিত্যসভাৰ আগন্তুক নাৰায়ণপুৰ অধিৱেশনৰ বাবে  প্ৰেছ ক্লাবটোত প্ৰয়োজন হোৱা আন্তঃগাঁথনি উন্নয়ণ কৰাৰ আশ্বাস প্ৰদান কৰে সাংসদগৰাকীয়ে ৷ সাংসদগৰাকীৰ সৈতে বিজেপিৰ  লখিমপুৰ জিলা সভাপতি ফনীধৰ বৰুৱা , নাৰায়ণপুৰ পৌৰসভাৰ উপ পৌৰপতি বিৰাজ ভূঞা প্ৰমুখ্যে বহুকেইজন বিষয়ববীয়া উপস্থিত থাকে ৷