ধেমাজিত অৰ্ধশতাধিক গাওঁ প্লাৱিত । বৰদলনিৰ সাপেখাটি বগলীজানত জীয়াঢলে চিঙিলে মথাউৰি । দুটাকৈ সাহায্য শিবিৰত দিন পাৰ কৰিছে বানাক্ৰান্তই কাৰোবাৰ ঘৰত যদি এককাল, কাৰোবাৰ ঘৰখনত আকৌ এডিঙি পানী| কাৰোবাৰ যদি ঘৰৰ সামগ্ৰী উটি গৈছে, কাৰোবাৰ আকৌ গৰু চাগলী কেইটাই উটি গল বানত| এইয়া এতিয়া ধেমাজিৰ বানাক্ৰান্ত অঞ্চলৰ দুৰ্দশাৰ একো একোটা বাস্তৱ সত্য| অৰুনাচলৰ পাহাৰত আজিও অব্যাহত আছে বৰষুণ ৷ ধেমাজি জিলাৰ মাজেৰে বৈ যোৱা জীয়াঢল, ন- নদী ৰ বানত বুৰ গৈছে ধেমাজি আৰু গোগামুখ ৰাজহ চক্ৰৰ অৰ্ধশতাধিক গাৱ। দেওবাৰে সন্ধিয়া কুমতীয়া সোঁপাৰৰ বগলীজান সাপেখাটি মথাউৰিৰ প্ৰায় ১০০ মিটাৰ অংশ ছিঙি সৃষ্টি কৰে ভয়ংকৰ পৰিস্থিতিৰ । কালি সন্ধিয়া ৭ বজাৰ পূৰ্বে সাপেখাটি মথাউৰি ছিঙাৰ ফলত সাপেখাতি , ভোমা , পদ্মপুৰ ৷ লটাক পঞ্চায়তৰ চুতীয়াকাৰী,ৰটুৱা, বেতনীহোলা, পানীয়েমাৰনি গাৱৰ গঞা এতিয়া বানৰ কৱলত । পশুধন সহ মানুহৰ সহবস্থান কৰিবলগীয়া হৈছে বানাক্ৰান্তই। সমান্তৰালভাৱে ধেমাজি ৰাজহ চক্ৰৰ অন্তৰ্গত জীয়াধল দিহিৰি , দিহিৰি কচাৰী , দিহিৰি লেপংকে ধৰি কেইবাখনো গাঁৱত জীয়াধল বানে সম্পূৰ্ণকৈ ধুই পেলোৱাত বন্যৰ্তৰ মাজত হাহাকাৰ পৰিস্হিতি উদ্ভৱ হৈছে ৷ এইকেইখন গাঁৱৰ বন্যাৰ্তই ধেমাজি প্ৰশাসনে ধেমাজি স্বৰ্ণপীঠ হাইস্কুল আৰু শিমলুগুৰিত স্হাপন কৰা আশ্ৰয় শিবিৰত আশ্ৰয় গ্ৰহণ কৰি আছে ৷ আশ্ৰয় শিবিৰত কন কন লৰা ছোৱালীৰ সৈতে মহিলাসকলে এতিয়া সময় পাৰ কৰিছে কেৱল ঘৰখনত পানী কমাৰ সময়লৈ| লক্ষ্যণীয় যে আজিও পুৱাৰে পৰা মূষলধাৰ বৰষুণ হয় যদিওঁ বিয়লি ভাগলৈ বৰষুন নোহোৱা হয় যদিহে পুনৰ বৰষুণ অব্যাহত থাকে তেন্ত ধেমাজিৰ বান পৰিস্হিতিয়ে জটিলৰুপ ধাৰণ কৰাৰ আশংকা বৃদ্ধি পাইছে ৷ ন ন অঞ্চল প্লাবিত হোৱাত বানৰ ফলত ক্ষয় _ ক্ষতিৰ পৰিমাণ বহুগুণে বৃদ্ধি পোৱাৰ আশংকা কৰা হৈছে ৷ তথ্যমতে শেহতীয়া বানত ধেমাজিৰ প্ৰায় ৫০ খনতকৈ অধিক গাঁও প্লাবিত হৈছে