বনৰীয়া ম'হ ৰ আক্ৰমণত কলিয়াবৰৰ বুঢ়াপাহাৰ চাহ বাগিছাত নিগ্ৰো ওৰাং নামৰ এজন লোকৰ মৃত্যুক লৈ ৩৭ নং ৰাষ্ট্ৰীয় ঘাইপথ অৱৰোধ স্থানীয় ৰাইজৰ। মৃতদেহ লৈ প্ৰায় ৩ ঘণ্টাকৈ অধিক সময় ধৰি বন বিভাগৰ ওপৰত ক্ষোভিত ৰাইজে ৰাষ্ট্ৰীয় ঘাইপথত অৱৰোধ কৰাৰ ফলত বাতৰি লিখা সময়লৈকে আবদ্ধ হৈ আছে বহু যান বাহন ।বন বিভাগৰ গাফিলটিৰ বাবেই এনে ঘটনা সংঘটিত হোৱাৰ কথা উল্লেখ ৰাইজৰ। উল্লেখ্য যে এই পথ অবৰোধৰ ফলত আবদ্ধ হৈ পৰিছে মন্ত্ৰী অতুল বৰাৰ কনভয়ো । মন্ত্ৰী গৰাকীয়ে ৰাইজক তথা উপস্থিত থকা চাহ জনগোষ্ঠীৰ সংগঠনৰ লোক সকলৰ লগত পোনপটীয়াকৈ কথোপকথনেৰে বুজনি দিয়াৰ চেষ্টা কৰে ।