সদৌ অসম তনজিম মাদাৰিছে ক্বৌমিয়াৰ সভাপতি মৌলানা বদৰুদ্দিন আজমলৰ সভাপতিত্বত কালি হোজাই জিলাৰ অন্তৰ্গত নীলবাগানস্থিত সদৌ অসম তনজিম মাদাৰিছে ক্বৌমিয়াৰ কাৰ্যালয়ত এখন বৰ্দ্ধিত কাৰ্যকৰী সভা অনুষ্ঠিত হয় ৷ কৌমিয়াৰ সাধাৰণ সম্পাদক মৌলানা আব্দুল কাদিৰ কাছিমীয়ে উদ্দেশ্যে ব্যাখ্যা কৰা সভাত তনজিম মাদাৰিছে ক্বৌমিয়াৰ অধীনত থকা ৰাজ্যৰ বিভিন্ন জিলাৰ মাদ্ৰাছাৰ শিক্ষক সকলৰ লগতে জনীয়াৰ বিধায়ক ড৹ ৰফিকুল ইছলাম , মানকাছাৰৰ বিধায়ক আমিনুল ইছলাম সহ তনজিম মাদাৰিছে কৌমিয়াৰ বিষয়ববীয়া সকল উপস্থিত থাকি শৈক্ষিক দিশৰ উপৰত আলোচনা কৰে ৷ বৰ্দ্ধিত কাৰ্যকৰী কাৰ্য্যকৰী সভাৰ শেষত সভাত তথা সাংসদ মৌলানা বদৰুদ্দিন আজমলে সংবাদ মাধ্যমৰ আগত কয় - কালি আমাৰ তনজিম মাদাৰিছে ক্বৌমিয়াৰ কাৰ্যকৰী সভা আছিল ৷ কিছুদিন পূৰ্বে আমাৰ তনজিমৰ বিষয়ববীয়াৰ লগতে নদুৱা , জমিয়ত আদি বিভিন্ন সংগঠনে অসমৰ ডিজিপিৰ লগ ধৰি বিভিন্ন দিশত আলোচনা কৰিছিল ৷ আজমলে লগতে কয় - অসমত বৰ্তমান প্ৰায় এক হাজাৰ মাদ্ৰাছা আছে , যিসমূহ মাদ্ৰাছা দেওবন্দৰ আৰ্হিত চলি আহিছিল , সেই সমূহ মাদ্ৰাছা তনজিমৰ অধিনত আহিব আৰু মাদ্ৰাছাবোৰত চৰকাৰৰ নীতি - নিয়মৰ মাজৰে পাঠদান দিয়া হয় ৷ লগতে মৌলানা আব্দুল কাদিৰ কাছিমীয়ে কয় - আমাৰ বৰ্ডৰ বাহিৰত যিবোৰ মাদ্ৰাছা আছে, সেই মাদ্ৰাছা সমূহ সমূহৰ তথ্যও আৰক্ষী সঞ্চালক প্ৰধান লগ ধৰি অৱগত কৰিছো ৷ লাহে লাহে সকলো মাদ্ৰাছা তনজিম মাদাৰিছে ক্বৌমিয়াৰ অধীনত আহি আছে ৷ অসমৰ সকলো মাদ্ৰাছাৰ সৈতে আলোচনা চলি আছে ৷ কিছু মাদ্ৰাছা সৰু সৰু ছাত্ৰৰে পাঁচ বছৰীয়া পাঠ্যক্ৰমেৰে চলিব , সেই ছাত্ৰসকলক সম্পূৰ্ণ স্কুলীয়া শিক্ষাও দিয়া হব বুলি মৌলানা আব্দুল কাদিৰ কাছিমীয়ে জনায় ৷ শেষত জনীয়াৰ বিধায়ক ড৹ হাফিজ ৰফিকুল ইছলামে কয়- মাদ্ৰাছা সমূহক লৈ তনজিমে মাজে সময়ে মিটিং কৰি থাকে যে কিদৰে মাদ্ৰাছা ছাত্ৰবোৰক ভাল শিক্ষা দি উপযুক্ত মানুহ হিচাপে গঢ় দিব পাৰি তাৰ উপৰত লক্ষ্য ৰাখি সভা পতা হয় ৷ মাদ্ৰাছা সমূহত প্ৰকৃত মানুহ কিদৰে গঢ়ি তুলিব পৰা যায় , তাৰ উপৰতো আলোচনা কৰা হয় ৷ আজিৰ সভাত শিক্ষাৰ মানদণ্ডৰ উপৰতো আলোচনা কৰি বিভিন্নজনে মতামত আগবঢ়ায় ৷ লগতে বিধায়ক ৰফিকুল ইছলামে কয়- মাদ্ৰাছাৰ দোৱাৰ ২৪ ঘন্টা খুলা থাকে , মাদ্ৰাছাত ভাল মানুহ হবলৈ নীতি শিক্ষা দিয়া হয় , যিকোনো সময়ত যিকোনে মানুহে আহি চাই যাব পাৰিব আমাৰ আপত্তি নাই ৷