যোগ্যতা থাকিলে দৰিদ্ৰতা কেতিয়াও হেঙাৰ হ’ব নোৱাৰে ৷ অধ্যৱসায়ৰ সাধনাৰে নিজকে উজ্বলাই সকলোকে গৌৰাৱাম্বিত কৰিছে মিছামৰা বাগিচাৰ এজন শ্ৰমিকৰ পুত্ৰই । মিছামৰা চাহ বাগিচাৰ জিন্টু ঘাটোৱাৰ নামৰ এজন যুৱকে উৰুখা পঁজাৰ পৰা গৈ আজুৰি আনিলে অসম আৰক্ষীৰ চাকৰি । পিতৃ-মাতৃ দুয়ো বাগিচাৰ শ্ৰমিক আৰু পুত্ৰই কষ্টৰ বলত লাভ কৰিলে চাকৰি।  অতি কষ্টসাধ্য প্ৰচেষ্টাৰ অন্তৰালত সফলতা লাভ কৰি উৎফুল্লিত হৈ পৰিছে যুৱকজন । দৰিদ্ৰতাক নেওচি, যত্ন কৰি লক্ষ্যত উপনীত হৈ আদৰ্শ হৈ পৰা যুৱকজনক গামোচা পিন্ধাই অভিনন্দন জনাইছে চাহ জনজাতি ছাত্ৰসন্থাৰ দেৰগাঁও শাখাই । আটছাৰ দেৰগাঁও শাখাৰ কেইবাজনো বিষয়-ববীয়াই জিন্টু ঘাটোৱাৰৰ বাসগৃহত গৈ সম্বৰ্দ্ধনা জ্ঞাপন কৰে।