নতুনকৈ গঠিত হৈয়ে বিভিন্ন জনহিতৈষী কাম কৰি সমাজৰ সমাদৰ লাভ কৰিবলৈ সক্ষম হোৱা "জিতু শইকীয়া ফাউণ্ডেচন"ৰ উদ্যোগত আৰু ৱাৰিঅ্ছ কাজিৰঙা আঞ্চলিক সমিতিৰ সহযোগত কাজিৰঙাত আয়োজিত এমহীয়া বিনামূলীয়া সমৰ কলা প্ৰশিক্ষণ কৰ্মশালাৰ ৩১ জুলাই ২০২২ তাৰিখে সফলতাৰে সামৰণি পৰে।
কাজিৰঙাৰ বচাগাঁও নাট্যমন্দিৰত আয়োজন কৰা সমৰ কলা প্ৰশিক্ষণ কৰ্মশালাৰ সামৰণি অনুষ্ঠানটিক আঁত ধৰে কাজিৰঙাৰ সমাজকৰ্মী দ্বীব্যজ্যোতি শইকীয়াই। গীত মাত আদি বিভিন্ন বৰ্নাঢ্য অনুষ্ঠানৰ মাজেৰে অনুষ্ঠিত সামৰণি অনুষ্ঠানত প্ৰায় দুশ শিক্ষাৰ্থীক ফাউণ্ডেচনৰ তৰফৰ পৰা মান পত্ৰ প্ৰদান কৰে।
অনুষ্ঠানত উপস্থিত থাকি শিক্ষাৰ সমান্তৰাল ভাৱে নিজকে সুস্বাস্থ্যৰ গৰাকী কৰি ৰখাৰ প্ৰয়োজনীয়তাৰ সম্পৰ্কত ছাত্ৰ ছাত্ৰীসকলৰ উদ্দেশ্যি পৰামৰ্শ আগবঢ়ায়
বোকাখাত মহকুমা সাংবাদিক সন্থাৰ সভাপতি বুবুল দত্ত, সমাজকৰ্মী বিপুল দাস, প্ৰণীত কুমাৰ বৰুৱা, শশী গগৈ,পদ তামুলী, মামনি বৰা, জীতেন হাজৰিকা, তৰুণ গগৈ , প্ৰদীপ নাথ, জাফৰ আলি বৰা, জয়ন্ত গগৈ, পপী বৰা শইকীয়া,
ৱাৰিঅ্ছৰ উজ্জ্বল দত্ত, পলাশজ্যোতি বৰা, গীতাঞ্জলি বৰা আদিয়ে।
ইপিনে ফাউণ্ডেচনৰ তৰফৰ পৰা যুৱ অলিম্পিকত পদক লাভ কৰি বোকাখাতলৈ গৌৰব কঢ়িয়াই অনা খেলুৱৈ সকলক সম্বৰ্ধনা জনায়৷
গৰম বন্ধৰ কালছোৱাত ছাত্ৰ-ছাত্ৰীসকলক লৈ এই বিনামূলীয়া সমৰ কলা প্ৰশিক্ষণ কৰ্মশালাৰ উদ্যোক্তা তথা "জিতু শইকীয়া ফাউণ্ডেচন"ৰ সঞ্চালক জিতু শইকীয়া, সহযোগি ৱাৰিঅ্ছ গোলাঘাট জিলাৰ সভানেত্ৰী বনশ্ৰী গগৈ, প্ৰশিক্ষক অজন্ত পূজাৰী, ৱাৰিঅ্ছ আঞ্চলিক সমিতিৰ সভানেত্ৰী চিম্পী তামুলী, সম্পাদিকা পূৰ্ণিমা কলিতাক ছাত্ৰ ছাত্ৰীসকলৰ অভিভাৱক সকলে সম্বৰ্ধনা জ্ঞাপন কৰে।
