কামৰূপ আৰু নলবাৰী জিলাৰ সীমান্ত বৰ্তি পূৰ্নদৈচপৰা আৰু বৰপূল্লাৰ মাজতে বিগত বানপানীত এটি কালভাৰ্ট সম্পূৰ্ণৰূপে উটুৱাই নি যোগাযোগ বিচিন্ন কৰিছিল৷পৰবৰ্তী সময়ত উক্ত ঠাইত লোকনিৰ্মান বিভাগে বালিৰে পুতি এটি উপপথ বনাই দিছিল৷তাৰফলত ৰাইজে যোগাযোগ কৰিব পৰা অৱস্থা হৈছিল৷কিন্তু দুৰ্ভাগ্যজনক কথা যে আজি পূৱা উক্ত উপপথত এখন চিমেণ্ট ভৰ্তি ট্ৰাক ফাচি যোগাযোগ সম্পূৰ্ণৰূপে বন্ধ কৰি দিছিল৷যাৰফলত ৰাইজে যন্ত্ৰণা ভোগ কৰিব লগা অৱস্থা হৈছিল৷ এ এছ ০১ জি চি ৯৩৫৩ নংৰ উক্ত ট্ৰাকখনেও প্ৰয়োজনতকৈ বেচি ওজন কঢ়িয়াই আনিছিল৷মটৰ ভেহিকল আইন অনুসৰি ট্ৰাকখনৰ বহন ক্ষমতা মুঠ সাত টন কিন্তু উক্ত ট্ৰাকখনে ১৩ টন মাল কঢ়িয়াই প্ৰশাসনৰ চকুত ধুলি দি উক্ত পথৰে যাবলৈ বিচৰাত বিপদ পৰিল চালক সহ সহযোগী জন৷অৱশেষত এখন জে চি বি লগাই ট্ৰাকখন উঠাই গন্তব্য স্থানলৈ গতি কৰে৷এনেকৈ একাংশ মালবাহী ট্ৰাকে উক্ত পথৰে যে গোপনে সামগ্ৰী কঢ়িয়াই তাৰ উপযুক্ত প্ৰমান আজি পোহৰলৈ আহিল৷