আৰক্ষী নিযুক্তিৰ ফলাফল ঘোষনাৰ পিছতে ৰাজ্যৰ বিভিন্ন প্ৰান্তত বৈছে আনন্দৰ বন্যা। ৰাজ্যৰ বহু দৰিদ্ৰ যুৱক-যুৱতীয়ে নিযুক্তি লাভ কৰিবলৈ সক্ষম হোৱাত সম্প্ৰতি আনন্দৰ বন্যা বৈছে তেওঁলোকৰ গৃহত। স্বচ্ছ আৰু নিকা নিযুক্তিৰ বাবে ইতিমধ্যে ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাকো ধন্যবাদ জনাইছে নিযুক্তি লাভ কৰিবলৈ সক্ষম হোৱা প্ৰাৰ্থী আৰু তেওঁলোকৰ পৰিয়ালবৰ্গই। ৰাজ্যৰ বিভিন্ন প্ৰান্তৰ লগতে বিহপুৰীয়াৰ ১নং জাপজুপ গাঁৱৰ এগৰাকী দৰিদ্ৰ পৰিয়ালৰ যুৱক সঞ্জীৱ বৰায়ো লাভ কৰিছে আৰক্ষীৰ কামাণ্ড বেটেলিয়ান নিযুক্তি। জাপজুপ গাঁৱৰ ৰাজেন বৰা আৰু ৰূপা বৰাৰ সুযোগ্য সন্তান সঞ্জীৱৰ এই সাফল্যত সঞ্জীৱৰ পিতৃ মাতৃৰ লগতে উৎফুলিত হৈ পৰিছে গাঁওবাসী। উল্লেখ্য যে ডেৰ বছৰ ধৰি গাঁৱতে এখন চেলুন খুলি চুলি দাৰি কাটিয়েই পৰিয়াল পোহপাল দি গৈছিল সঞ্জীৱে। শৰীৰ চৰ্চাৰ লগত জৰিত সঞ্জীৱে ৱাল প্ৰিন্তিং কৰাৰ লগতে এগৰাকী সুদক্ষ ভলীবল খেলুৱৈও।