গোলাঘাটত বৰ্তমানেও সক্ৰিয় হৈ আছে চোৰাং গৰু সৰবৰাকাৰী দুষ্চক্ৰ

দেওবাৰে সন্ধিয়া গোলাঘাট আৰক্ষীয়ে শালমাৰা বাইপাছ অঞ্চলত এক নাকা তালাচি অভিযান কালত জব্দ কৰিবলৈ সক্ষম হয় এখন গৰু ভৰ্তি বোলেৰো পিকআপ 

গোলাঘাট জিলাত বৰ্তমানেও সক্ৰিয় হৈ আছে চোৰাং গৰু সৰবৰাকাৰী দুষ্চক্ৰ। দীৰ্ঘদিন ধৰি গোলাঘাট আৰক্ষী তথা গাঁওৰক্ষী বাহিনীয়ে অবৈধ ভাবে গৰু সৰবৰাকাৰী চিন্দিকেটৰ বিৰূদ্ধে চলাই অহা অভিযান কালত দেওবাৰে সন্ধিয়া গোলাঘাটৰ শালমাৰা বাইপাচ অঞ্চলত AS 05C 9414 নম্বৰৰ এখন বোলেৰো পিকআপত বৈধ নথিপত্ৰ অবিহনে কঢ়িয়াই অনা দশ জনী গৰু জব্দ কৰিবলৈ সক্ষম হয়। জানিব পৰা মতে উক্ত গৰু বিহৰা বজাৰৰ পৰা আধাৰসত্ৰলৈ অনা হৈছিল। বৰ্তমান গোলাঘাট আৰক্ষীয়ে চালক আৰু হেণ্ডিমেনক আটক কৰি সন্ধান আৰম্ভ কৰিছে।