ঘগ্ৰাপাৰ আৰক্ষী থানাৰ অন্তৰ্গত সানেকুছিত আজি দুপৰীয়া কাহ পিতলৰ বাচন চাফ কৰা চলৰে সোন ৰূপ লুন্ঠন কৰাৰ পৰিকল্পনা কৰা দুই প্ৰবঞ্চকক ৰাইজে হাতেলোটে ধৰি আৰক্ষীক চমজাই দিয়ে৷দুই প্ৰবঞ্চক বিহাৰৰ মনোজ মণ্ডল আৰু সৰোজ ভাৰতী বুলি জানিব পৰা গৈছে৷ প্ৰবঞ্চক দুজনে আজি দুপৰীয়া গাওঁখনৰ বিপূল শৰ্মা নামৰ লোকজনৰ ঘৰত কাহ পিতলৰ বাচন চাফ কৰাৰ চলৰে উপস্থিত হৈ বাচন চাফ কৰি আছিল ৷এনেতে বিপুল শৰ্মাৰ পত্নীক তেওঁলোকে সোন চাফ কৰিব পাৰে বুলি জানিবলৈ দি সোনৰ চেইনডাল আনিবলৈ অনুৰোধ কৰে৷শৰ্মাৰ পত্নীয়ে তেওঁৰ চেইন নাই বুলি কোৱাত আঙুঠি বা অন্য সামগ্ৰী হলেও হব বুলি পতিয়ন নিয়াই সোনৰ আঙুঠি আৰু কানফুলি চাফ কৰাৰ চলৰে কাটি নিয়ে দুয়ো সামগ্ৰীৰ কিছু অংশ৷এই কথা পৰিয়ালে প্ৰত্যক্ষ কৰাত প্ৰবঞ্চক দুজনে পাচশ টকা দি ঘটনাস্থলীৰ পৰা পলায়ন কৰিব বিছাৰিছিল যদিও ৰাইজে কাৰায়ত্ত কৰিবলৈ সক্ষম হয়৷অৱশেষত ঘগ্ৰাপাৰ আৰক্ষীক দুই প্ৰৱঞ্চকক চমজাই দিয়ে৷