अंबाजोगाई | प्रतिनिधी

   अभियंता सर मोक्षगुंडम विश्वेश्वरैय्या यांच्या जन्म दिवसाचे औचित्य साधत 15 सप्टेंबर हा दिवस इंजिनियर्स डे (Engineer's Day) म्हणून साजरा केला जातो. सिव्हिल इंजिनिअर्सच्या सन्मानार्थ कृतज्ञता व्यक्त करण्यासाठी कन्सल्टिंग सिविल इंजिनियर्स असोसिएशन, अंबाजोगाई तर्फे अभियंता दिन साजरा करण्यात आला.

  या कार्यक्रमाचे प्रमुख पाहुणे म्हणून मा. श्रीमती निकिता भांगे मॅडम (प्र. नगर रचनाकार म.न.पा. लातूर), मा. आ. नमिताताई अक्षय मुंदडा मॅडम (आर्किटेक), श्री. अजय कस्तुरे सर (नगर रचनाकार अंबाजोगाई), श्री. लहाने सर (नगर अभियंता,अंबाजोगाई), श्री. जसपाल सिंग रॉय सर (टेरोटरी सेल्स हेड अल्ट्राटेक सिमेंट), श्री. विकास शिंदे सर (टेक्निकल एक्झिक्युटिव्ह आयकॉन स्टील), श्री. सुयश रुपनवर सर (टेरोटरी टेक्निकल सर्विस मॅनेजर अल्ट्राटेक सिमेंट) आदींचा शाल, श्रीफळ, पुष्पगुच्छ देऊन सत्कार करण्यात आला. यावेळी असोसिएशनचे अध्यक्ष श्रीनिवास पवार, उपाध्यक्ष नितीन देशमुख, सचिव गणेश पुरी, कोषाध्यक्ष संदीप भावठाणकर, सदस्य: राहुल सारणीकर, दिनेश पुरी, आसिफ शेख, सुमेश कुलकर्णी, अमोल सोळंके, वैभव चाटे, आकाश कराड, लहू जाधव, योगेश काळे, सूरज स्वामी, गौरव उपाध्याय, इ. इंजिनीअर्सनी मिळून दोनशे हून अधिक इंजिनियर्स, कॉन्ट्रॅक्टर्स अँड डेव्हलपर्स यांचा सत्कार केला व असोसिएशनची पुढील रूपरेषा सांगण्यात आली.

   येथे मान्यवरांनी टेक्निकल रुपी मनोगत व्यक्त केले, तसेच आयकॉन स्टील व अल्ट्राटेक सिमेंट यांचे आयोजन लाभले, अध्यक्षांनी आभार प्रदर्शन केले. या कार्यक्रमामुळे असोसिएशन व इंजिनियर्स चे सर्व स्तरातून कौतुक होत आहे.