: સુરતમાં પર્વત પાટિયાના સંસ્કૃતિ એપાર્ટમેન્ટની લિફ્ટમાં 30 મિનિટ ફસાયેલી રહી મહિલા,

સુરતના પર્વત પાટિયા વિસ્તારમાં આવેલ પાંચ માળના સંસ્કૃતિ એપાર્ટમેન્ટમાં આજે વહેલી સવારે અચાનક જ લિફ્ટ બંધ થઈ ગઈ હતી. અને તેમાં 36 વર્ષીય મહિલા ફસાઈ ગઈ હતી. પાંચ માળના સંસ્કૃતિ એપાર્ટમેન્ટમાં ચોથા માળે રહેતા 36 વર્ષીય સોનલબેન ટેલર વહેલી સવારે 6:30ની આસપાસ કામ અર્થે લિફ્ટમાં નીચે જઈ રહ્યા હતા. દરમિયાન લિફ્ટ ત્રીજા માળે પહોંચી અને અચાનક જ પાવર ચાલ્યો જતા લિફ્ટ બંધ થઈ ગઈ હતી. જેને લઇ સોનલબેન ગભરાઈ ગયા હતા અને લિફ્ટમાં બૂમાબૂમ કરી હતી. સોનલબેનની બૂમાબૂમને કારણે વહેલી સવારે બિલ્ડીંગના રહીશો ભેગા થઈ ગયા હતા. સોનલબેનને બહાર કાઢવા લિફ્ટનો દરવાજો ખોલવાનો પ્રયાસ કર્યો હતો. પરંતુ દરવાજો ન ખુલતા ઘટના અંગે ફાયર વિભાગને જાણ કરી હતી. ફાયર વિભાગની ટીમ ઘટના સ્થળે પહોંચી સોનલબેનને લિફ્ટમાંથી બહાર કાઢ્યા હતા.