ৰাজ্যৰ বিভিন্ন প্ৰান্তত  আধ্যাত্মিক পৰিৱেশৰ মাজেদি  ৰাজ্যবাসীয়ে আজি অনুষ্ঠিত কৰিলে  বিশ্ব খনিকৰ বিশ্বকৰ্মা পূজা। ইয়াৰ সমান্তৰালভাৱে ডিব্ৰুগড় জিলাৰ মৰাণ আৰক্ষীয়ে আৰক্ষী থানা চৌহদত অনুষ্ঠিত কৰিলে বিশ্ব খনিকৰৰ বিশ্বকৰ্মা পূজা। মৰাণ আৰক্ষীয়ে আৰক্ষীৰ বাহন সমূহ পূজা কৰাৰ লগতে থানাত থকা সকলো অস্ত্ৰ শস্ত্ৰ বিশ্ব খনিকৰৰ মূৰ্তিৰ ওচৰত দি পূজা অৰ্চনা কৰে। উল্লেখযোগ্য  যে মৰাণ থানাৰ আৰক্ষীয়ে প্ৰতিবছৰে এইদৰে থানাৰ অস্ত্ৰ শস্ত্ৰ সমূহ বিশ্ব খনিকৰৰ পূজাৰ দিনা পূজা অৰ্চনা কৰি নেদেখা জনৰ পৰা আৰ্শীবাদ লয়। বহু ঠাইত বিশ্ব খনিকৰৰ পূজাক লৈ আধ্যাত্মিকতাৰ লগতে উশৃংখলতাৰ পৰিবেশ দেখা পোৱা যায় যদিও মৰাণ  থানাৰ আৰক্ষী সকলে ৰাইজক নিৰাপত্তা দিয়াৰ মাজতে নিজৰ নিৰাপত্তাৰ বাবে থকা অস্ত্ৰ শস্ত্ৰ সমূহ এইদৰে পূজা অৰ্চনা কৰে।