চৰাইদেউ জিলাৰ সোণাৰি বিধানসভা সমষ্টিৰ বিভিন্ন প্ৰান্তত আজি কেইবাটাও আঁচনিৰ শুভাৰম্ভ কৰে বিধায়ক ধৰ্মেশ্বৰ কোঁৱৰে। সমষ্টিটোৰ ভজো, চফ্ৰাই, নাফুক, আইদেউ কাঠনি, লংপতীয়া আদি অঞ্চলত শুভাৰম্ভ কৰা হয় এই আঁচনিসমূহ। প্ৰধানমন্ত্ৰী নৰেন্দ্ৰ মোদীৰ জন্মদিনৰ লগত সঙ্গতি ৰাখি চৰকাৰে গ্ৰহণ কৰা পষেকজোৰা কাৰ্যসূচীৰ অংশ হিচাপে ভজোত অমৃত সৰোবৰ খনন কাৰ্যৰ দুটা আঁচনিৰ শুভাৰম্ভ কৰা লগতে চফ্ৰাইতো এই অনুৰূপ কাৰ্যসূচী গ্ৰহণ কৰে বিধায়ক গৰাকীয়ে। আনহাতে সোণাৰিৰ নাফুকত এটা পানী যোগান আঁচনি শুভ উদ্বোধন কৰা লগতে প্ৰধানমন্ত্ৰী আৱাস যোজনাৰ অধীনত নিৰ্মিত গৃহও উদ্বোধন কৰে বিধায়ক ধৰ্মেশ্বৰ কোঁৱৰে। ইফালে সমষ্টিটোৰ সাপেখাতি উন্নয়ন খণ্ডৰ অন্তৰ্গত আইদেউবাৰীত জলজীৱন আঁচনি শুভাৰম্ভ কৰা লগতে লংপতীয়াৰ বেং বিল, ভলক বিলত অমৃত সৰোবৰ খনন কাৰ্য শুভাৰম্ভ আৰু প্ৰধানমন্ত্ৰী আৱাস যোজনা গৃহৰ আধাৰশিলা স্থাপন কৰে বিধায়ক গৰাকীয়ে।