জীয়াঢল নদীৰ বানত ছিঙিল কুমটীয়া সোঁপাৰৰ বগলীজান সাপেখাটি মথাউৰি। গোগামুখ ৰাজহ চক্ৰৰ অধীনস্থ বগলীজান সাপেখাটি মথাউৰিৰ প্ৰায় ১০০ মিটাৰ ছিঙি সৃষ্টি কৰিছে ভয়ংকৰ পৰিস্থিতি। কিছু সময়ৰ আগত সাপেখাটি মথাউৰি ছিঙি বহু গাওঁ জলমগ্ন কৰি পেলাইছে বুলি জানিব পৰা গৈছে । আন্ধাৰত ৰাইজৰ মাজত হাহাকাৰ পৰিস্থিতিৰ সুচনা হৈছে । ধাৰাষাৰ বৰষুণৰ ফলত পুৱাৰ পৰাই জীয়াধল কুমটীয়া নদীৰ জলপৃষ্ঠ বৃদ্ধি পাই আহিছিল যদিও কুমটীয়া নদীৰ সোঁপাৰৰ সাপেখাটি মথাউৰিটো ৰাইজে মেৰামতি কৰি আছিল যদিও প্ৰলয়ংকাৰী বানে ছিঙি নিলে মথাউৰিৰ প্ৰায় এশ মিটাৰ ৷