জনজাতি কৰণৰ নামত কেন্দ্ৰীয় আৰু ৰাজ্য চৰকাৰে ছয় জনগোষ্ঠীক কৰা প্ৰতাৰণাৰ বাবে ৰাজ্যৰ বিভিন্ন প্ৰান্তত জ্বলিছে নৰেন্দ্ৰ মোডী আৰু হিমন্ত বিশ্বশৰ্মাৰ প্ৰতিমূৰ্তি। সমান্তৰাল কৈ ব্যতিক্ৰম নহয় মৰাণ। আজি চুতীয়া জাতি যুৱ সন্মিলন অসম চৰাইদেউ জিলা সমিতিয়ে মৰাণৰ ট্ৰেফিক পইণ্টত প্ৰধানমন্ত্ৰীৰ নৰেন্দ্ৰ মোডী আৰু হিমন্ত বিশ্বশৰ্মাৰ প্ৰতিমূৰ্তি দাহ কৰি বিভিন্ন শ্লোগান দি উত্তাল কৰি তোলে পৰিবেশ। লগতে এই প্ৰতিবাদৰ যোগেদি অসম চৰকাৰ আৰু ভাৰত চৰকাৰক আগন্তুক লোকসভা নিৰ্বাচনত প্ৰত্যুত্তৰ দিব বুলি সকিয়নী প্ৰদান কৰে।