চৰাইদেউ জিলা হেণ্ডবল সন্থা আৰু সাপেখাতী কাবাডী ক্লাবৰ উদ্যোগত বৃহস্পতিবাৰে সম্বৰ্ধনা আৰু ক্ৰীড়া সজাগতা সভা অনুষ্ঠিত কৰা হয়।শিক্ষকতাৰ দৰে পবিত্ৰ বৃত্তিত নিয়োজিত হৈ অসম চৰকাৰৰ কৃতি শিক্ষকৰ দৰে বঁটা পাবলৈ সক্ষম হোৱা ৰহনৰ নৰেণ গগৈক সম্বৰ্ধনা জ্ঞাপন কৰে সাপেখাতী কাবাডী ক্লাব আৰু হেণ্ডবল সন্থাই। সমান্তৰালকৈ সাপেখাতী কাবাডী ক্লাবৰ পৰা নিৰ্বাচিত হৈ ৰাষ্ট্ৰীয় পৰ্যায়ত খেল প্ৰদৰ্শন কৰিবলৈ সক্ষম হোৱা ৰহনৰ গৌৰৱ সুস্মিতা বৰা ,লক্ষিমী নেৱাৰ আৰু ৰাষ্ট্ৰীয় পৰ্যায়ৰ হেণ্ডবল খেলুৱৈ নিৰঞ্জন চেতিয়াক সম্বৰ্ধনা জ্ঞাপন কৰে।