শ্ৰীমন্তশংকৰদেৱৰ  প্ৰপন্ন শিষ্য মহাপুৰুষ মাধৱদেৱৰ আজি ৪২৬ সংখ্যক তিৰোভাৱ তিথি গুৰুজনাৰ জন্মস্থান লেটেকুপুখুৰীত উলহমালহেৰে উদ্‌যাপন কৰা হয় ৷ প্ৰতিবছৰৰ দৰে এইবাৰো দিনযোৰা কাৰ্যসুচীৰে সম্পূৰ্ণ সত্ৰীয়া পৰম্পৰা আৰু ৰীতি নীতিৰ মাজেৰে উদ্‌যাপন কৰা হৈছে তিৰোভাৱ তিথি ৷ সেই উপলক্ষ্যে পুৱা ৯ বজাত বৰগীত আৰু নাম প্ৰসংগ কৰাৰ লগতে ঘোষা পাঠ আৰু গুৰুজনাৰ জন্ম বিটান্ত পাঠ কৰে বলোৰাম আতৈয়ে ৷ তিৰোভাৱ তিথি উপলক্ষ্যে বাৰেগঞাৰ আয়তীসকলৰ দিহা নাম পৰিৱেশন কৰাৰ পৰৱৰ্তী সময়ত সত্ৰীয়া নৃত্য , গায়ন বায়ন আৰু গুৰুজনাৰ সৃষ্ট ভোজন বিহাৰ নাট প্ৰদৰ্শন কৰা হয় ৷ আজি গুৰুজনাৰ পবিত্ৰ তিৰোভাৱ তিথিত জন্মস্থান খন দৰ্শন কৰিবলৈ অহা ৰাজ্যৰ ভিন্ন প্ৰান্তৰ ভকত বৈষ্ণৱসকলে ভিৰ কৰা পৰিলক্ষিত হয় ৷