সোণাৰিত ছাত্ৰ অপহৰণৰ ব্যৰ্থ প্ৰচেষ্টা

সোণাৰিৰ এখন ব্যক্তিগতখণ্ডৰ বিদ্যালয়ত পঢ়ি থকা এজন ছাত্ৰক এখন গাড়ীত অহা এটা অপহৰণকাৰী দলে অপহৰণৰ চেষ্টা চলোৱাৰ ঘটনাই চঞ্চল্যৰ সৃষ্টি কৰিছে। প্ৰাপ্ত তথ্য মতে কালি পুৱা সোণাৰি জাতীয় বিদ্যালয়ত পঢ়ি থকা ছাত্ৰ জন সোণাৰি শান্তিপূৰৰ নিজ বাসগৃহৰ পৰা খোজেৰে স্কুললৈ গৈ থকা অৱস্থাত পিছফালৰ পৰা এখন বাহনত অহা অপহৰণকাৰীৰ দল এটাই চলাহী কথাৰে ছাত্ৰজনক গাড়ী তুলি পলায়ন কৰিবলৈ চেষ্টা চলায়। ছাত্ৰজনৰ সন্দেহ উপজাত বাহনখনৰ পৰা বলপূৰ্বক নামি স্কুলৰ অভিমুখে পলায়ন কৰিবলৈ সক্ষম হয়। পৰিবৰ্তী সময়ত ছাত্ৰ জনে ঘটনাটোৰ বিষয়ে নিজৰ শিক্ষক শিক্ষয়িত্ৰী আৰু অভিভাৱকক অৱগত কৰে। কালি সন্ধিয়া ঘটনাটোৰ সন্দৰ্ভত সোণাৰি আৰক্ষী থানাত ছাত্ৰ জনৰ পিতৃয়ে এখন এজাহাৰ দাখিল কৰিছে।