এইবাৰ পঞ্চায়ত সভানেত্ৰীৰ বিৰুদ্ধে আৰক্ষী থানাত হাজিৰ হলগৈ ৱাৰ্ড সদস্যৰ লগতে একাংশ মহিলা। বিধায়ক পৰমানন্দ ৰাজবংশীৰ সমষ্টি ছিপাঝাৰত সংঘটিত হৈছে এই ঘটনা।সমষ্টিটোৰ হাজৰিকাপাৰা গাঁও পঞ্চায়তৰ সভানেত্ৰী মীৰা ৰাজবংশীৰ সৈতে বাক্ - বিতণ্ডাত লিপ্ত হয় এইসকল মহিলা।কিয়নো দীৰ্ঘদিনে শোচনীয় বাট-পথৰে যাতায়ত কৰা এই সকল মহিলাই এটা পথ মেৰামতি কৰি দিয়াৰ আহ্বান জনাই আহিছিল সভানেত্ৰী গৰাকীক। কিন্তু পথছোৱা মেৰামতি কৰাটো বাদেই, পথছোৱা পৰিদৰ্শনৰ ক্ষেত্ৰতো অমান্তি হোৱাত ক্ষুব্ধ হৈ পৰে মহিলা সকল। ক্ষুব্ধ মহিলাসকলে এইদৰে পঞ্চায়ত সভানেত্ৰী গৰাকীক আগভেটি ধৰি তৰ্কযুদ্ধত লিপ্ত হয়। আনকি পৰৱৰ্ত্তী সময়ত কেতবোৰ বিভিন্ন অভিযোগ উত্থাপন কৰি সভানেত্ৰী গৰাকীৰ বিৰুদ্ধে আৰক্ষী থানাত এজাহাৰ দাখিল কৰে এই সকল মহিলাই।