https://youtu.be/fO64Dd92c9s 

কোকৰাঝাৰ চেপ্তেম্বৰ ১৪: বডোলেণ্ডৰ মুখ্য সদৰ কোকৰাঝাৰ বডোফা নগৰস্থিত বি টি আৰ সচিবালয়ত অনুষ্ঠিত হয় ভুটান চৰকাৰৰ শীৰ্ষ প্ৰতিনিধি আৰু বি টি আৰ প্ৰশাসনৰ সৈতে গুৰুত্বপূৰ্ণ বৈঠক। বি টি আৰৰ পাঁচখন জিলাৰ উপায়ুক্ত আৰু আৰক্ষী অধীক্ষক সহ শীৰ্ষ বিষয়া আৰু ভুটান চৰকাৰৰ গৃহ মন্ত্ৰালয়ৰ অধীনস্থ আইন শৃংখলা বিভাগৰ সঞ্চালক সহ ১২ জনীয়া প্ৰতিনিধি মাজত উচ্চ স্তৰীয় বৈঠক অনুষ্ঠিত হয়। বৈঠকৰ পিছত ভুটানৰ আইন শৃংখলা বিভাগৰ সঞ্চালক টাছি পেঞ্জৰে সংবাদ মাধ্যমৰ আগত সদৰি কৰে যে মহামাৰী কোভিডৰ বাবে আঢ়ৈ বছৰ ধৰি বন্ধ আছিল ভুটানৰ প্ৰবেশদ্বাৰ। সেয়ে অহা ২৩ চেপ্তেম্বৰে পুনৰ মুকলি কৰা হ'ব ভুটানৰ প্ৰবেশদ্বাৰ। সেইদিন পৰাই পৰ্যটক সকলে নিজৰ আধাৰ কাৰ্ড লৈ ভুটানত প্ৰবেশ কৰিব পাৰিব।