केज (प्रतिनिधी) घर बांधण्यासाठी तुझ्याआई-वडिलांकडून दोन लाख रुपये घेऊन का येत नाहीस? या कारणावरून सासरच्या लोकांकडून होत असलेल्या छळास कंटाळून एका २६ वर्षीय विवाहित महिलेने विषारी औषध प्राशन करून आत्महत्या केल्याची घटना तालुक्यातील ढाकेफळ येथे घडली.या प्रकरणी तिच्या पतीसह चौघाविरुद्ध युसुफवडगाव पोलिसात गुन्हा दाखल झाला आहे. पती आणी दिरास १४ दिवसाची न्यायालयीन कोठडी मिळाली आहे.याबाबतची सविस्तर माहिती अशी की,केज तालुक्यातील ढाकेफळ येथील मयत शिल्पा योगीराज घाडगे हिचा विवाह आठ वर्षांपूर्वी योगीराज शिवाजी घाडगे यांच्यासोबत झाला होता. लग्नानंतर त्या दोघांना दोन मुली व एक मुलगा अशी तीन अपत्य झाल्यानंतर माहेरहून घर बांधण्यासाठी दोन लाख रुपये घेऊन ये म्हणून पती योगीराज घाडगे,सासु लक्ष्मीबाई घाडगे,दिर बाळासाहेब घाडगे आणी जाऊ माया घाडगे यांनी शिल्पाला तगादा लावला परंतु तिने तिच्या आई वडील ला कडून तेवढी रक्कम आणण्यास नकार दिल्यामुळे त्यांनी शिल्पाला सतत शिवीगाळ व मारहाण करीत तिचा मानसिक आणी शारीरिक छळ केला.सासरच्या लोकांकडून सातत्याने होत असलेल्या छळास कंटाळून शिल्पा घाडगे हिने ९ सप्टेंबर रोजी सकाळी ९:०० वाजण्याच्या दरम्यान विषारी औषध प्राशन शिल्पाला उपचारासाठी अंबाजोगाई येथील स्वामी रामानंद तीर्थ रुग्णालयात दाखल करण्यात आले होते. परंतु १० सप्टेंबर रोजी रात्री २:०० वाजण्याच्या सुमारास उपचार सुरू असताना शिल्पा योगराज घाडगे हिचा मृत्यू झाला.अनिता दिलीप शिरसट रा.फुले नगर धारूर यांच्या फिर्यादीवरून पती योगीराज घाडगे, सासु लक्ष्मीबाई घाडगे, दिर बाळासाहेब घाडगे आणी जाऊ माया घाडगे या चौघां विरुद्ध युसुफवडगाव पोलिसात गुन्हा दाखल झाला आहे.