মাজুলীৰ সোণোৱাল কছাৰী বিদ্যালয়ত নৱাগত আদৰণী সভাঃ মাজুলীৰ অন্যতম অগ্ৰণী শিক্ষানুষ্ঠান সোণোৱাল কছাৰী উচ্চতৰ মাধ্যমিক বিদ্যালয়ত চলিত শিক্ষাবৰ্ষৰ নৱাগত আদৰণী সভাখন আজি অনুষ্ঠিত হয়৷ পুৱা ৯ বজাত ছাত্ৰ একতা সভাৰ কাৰ্যকৰী সভাপতি তীৰ্থ শইকীয়াই পতাকা উত্তোলন কৰাৰ পিছতে নৱাগত ছাত্ৰ-ছাত্ৰী সকলক সাংস্কৃতিক শোভাযাত্ৰাৰে বিদ্যালয়ৰ মূল তোৰণৰ পৰা আদৰি আনে৷ দিনৰ ১১ বজাৰ পৰা শিক্ষক মাধৱ শইকীয়াই আঁত ধৰা মুকলি সভাখনত সভাপতিত্ব কৰে অধ্যক্ষ নলচন্দ্ৰ পাতিৰে৷ বিদ্যালয়খনৰ বিষয় শিক্ষক অজিত কুমাৰ নাথে শুভ উদ্বোধন কৰা মুকলি সভাত  মুখ্য অতিথি হিচাপে উপস্থিত থাকি নৱগতা ছাত্ৰ-ছাত্ৰীসকলক উদ্দেশ্যি বক্তব্য প্ৰদান কৰে উজনি মাজুলী খেৰকটীয়া মহাবিদ্যালয়ৰ অধ্যক্ষ ড০ জাহ্নৱী লহকৰ বৰুৱাই৷ ইফালে সভাত বিশিষ্ট অতিথি হিচাপে উপস্থিত থাকে অৱসৰপ্ৰাপ্ত অধ্যক্ষ চেনীৰাম শইকীয়া, খণ্ড সমন্বয়ক বিপুল পাংগীং আৰু স্থানীয় কেইবাজনো গণ্যমান্য ব্যক্তি৷ অনুষ্ঠানত বিদ্যালয়খনৰ ছাত্ৰ-ছাত্ৰীসকলে পৰিৱেশন কৰা মিচিং নৃত্য, সোণোৱাল কছাৰী লেচাৰী বিহু নৃত্য আৰু মৌচুমী পাংগীঙে পৰিৱেশন কৰা বৰগীতে সকলোকে মন্ত্ৰমুগ্ধ কৰে৷