সদ্যঘোষিত সৰ্বভাৰতীয় মেডিকেল প্ৰবেশ পৰীক্ষাত (নীট-ই-জি)নলবাৰী জিলাৰ ঘগ্ৰাপাৰৰ দুগৰাকী ছাত্ৰৰ সাফল্যত অঞ্চলটোত আনন্দৰ বন্যা বৈছে৷অঞ্চলটোৰ বিলপাৰ নাৰিকুছি গাৱঁৰ মোজামিল হক আৰু মিনোৱাৰা বেগমৰ পুত্ৰ ৰাহুল আমিন আৰু চিলিং কহাৰটোলাৰ কালিচৰণ হালৈ আৰু লতিকা হালৈৰ পুত্ৰ অৰ্নব হালৈ৷সোমবাৰে উক্ত দুই গৰাকী কৃতি শিক্ষাৰ্থীক অসম জাতীয়তাবাদী যুৱছাত্ৰ পৰিষদৰ ঘগ্ৰাপাৰ আঞ্চলিক সমিতি আৰু বিজেপি সংখ্যালঘু মৰ্চাৰ নলবাৰী জিলা সমিতিৰ প্ৰতিনিধি দলে দুয়োজনকে পৃথকে পৃথকে নিজ গৃহত গৈ সম্বৰ্ধনা জনাই৷ইয়াৰোপৰি দুয়োগৰাকী শিক্ষাৰ্থীক অঞ্চলটোৰ দল সংগঠনে শুভেচ্ছা তথা সম্বৰ্ধনা জনোৱাৰ লগতে একাংশ জ্যেষ্ঠ লোকে হিয়া উজাৰি আশিৰ্বাদ দিয়ে৷