રાજ્યના હવામાન વિભાગ દ્વારા રાજ્યના કેટલાક વિસ્તારોમાં ભારે તો કેટલીક જગ્યાએ મધ્યમ વરસાદની આગાહી કરી છે . તેવામાં ફતેપુરા તાલુકામાં સતત આજે ચોથા દિવસે વરસાદી માહોલ જોવા મળ્યો છે . તાલુકામાં સવારથી ગરમી અને બફારો અનુભવાય રહ્યો હતો અને ત્યાર બાદ બાપરે એકાએક વાતાવરણમાં પલટો જોવા મળ્યો હતો . આકાશમાં ઘેરાયેલા કાળા ડિબાંગ વાદળો સાથે હળવા પવન પણ ફૂંકાયા હતા અને સાંજના સુમારે અને મોડી રાત્રે પણ તાલુકાના મુખ્ય મથક ફતેપુરા નગર સહિત આસપાસના વિસ્તારમાં એકાએક ગાજવીજ સાથે ધોધમાર વરસાદી ઝાપટું વરસ્યું હતું . જેના કારણે હાલ વાતાવરણમાં ઠંડકનો અનુભવ થઈ રહ્યો છે.