মৰাণ::::মৰাণ ৰাজহ চক্ৰ ৱিষযাৰ কাৰ্যালয়ৰ অন্তৰ্গত মৰাণ নগৰত জাপানীজ এনকেফেলাইটিছ আৰু ডেংগু আদি প্ৰতিৰোধ কৰিবলৈ আজিৰ পৰা ডিব্ৰুগড় জিলাৰ খোৱাং খণ্ড প্ৰাথমিক স্বাস্থ্য কেন্দ্ৰই ঔষধ ছটিয়াবলৈ আৰম্ভ কৰে। বিভাগটোৱে মৰাণ আঞ্চলিক ব্যৱসায়ী সন্থাৰ সহযোগত সমগ্ৰ চহৰখনত ঔষধ ছটিয়াব বুলি জানিব দিয়ে । মহৰ দ্বাৰা বিয়পা এই ভয়ানক ৰোগবোৰ প্ৰতিহত কৰিবলৈ এই ঔষধবোৰ ছটিয়াই দিয়া হৈছে। নলা আদিত মহৰ উৎপাদন বেছি সেয়েহে নলা আদিত ঔষধ ছটিয়াই দিয়া হ'ব। এতিয়ালৈকে কেন্দ্ৰটোৰ অন্তৰ্গত এজনো জাপানী এনকেফেলাইটিছ ৰোগী পোৱা হোৱা নাই কিন্তু বিভাগটোৱে ইতিমধ্যে ইয়াক প্ৰতিৰোধ কৰিবলৈ চেষ্টা কৰি আছে।