চৰাইদেউ জিলাৰ মাহমৰা জজলি হাবি গাঁও নিৱাসী সমাজকৰ্মী, বিশ্ৰামপুৰ উচ্চতৰ মাধ্যমিক বিদ্যালয়ৰ অৱসৰপ্ৰাপ্ত চতুৰ্থ বৰ্গৰ কৰ্মচাৰী পুতুল কুমাৰ ফুকন (৬৩)ৰ কালি ১o ছেপ্টেম্বৰৰ নিশা নিজা বাসগৃহত মৃত্যু হয়৷ দীৰ্ঘদিন ধৰি কেইবাটাও ৰোগত আক্ৰান্ত হৈ চিকিৎসাধীন অৱস্থাত থকা ফুকনৰ মৃত্যুত অঞ্চলটোত গভীৰ শোকৰ ছাঁ পৰিছে৷ আনহাতে আজি পুৱা তেখেতৰ নশ্বৰ দেহ আহোমসকলৰ পৰম্পৰা অনুসৰি মৈদাম দিয়া হয়৷ মৃত্যুৰ সময়ত ফুকনে পত্নীসহ দুজন পুত্ৰ, দুগৰাকী বিবাহিতা কন্যাকে ধৰি অসংখ্য আত্মীয়-স্বজনক ইহসংসাৰত এৰি থৈ যায়৷ পুতুল কুমাৰ ফুকনৰ মৃত্যুত অঞ্চলটোৰ বিভিন্ন অনুষ্ঠান-প্ৰতিষ্ঠানে শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে৷