आव्हाळवाडीत बाप्पाला भावपूर्ण निरोप

आव्हाळवाडी (ता.हवेली) येथे घरगुती बाप्पाला निरोप देण्यासाठी अनंत चतुर्दशी शुक्रवार (दि.९) गावातील मुख्य रस्त्याच्या कडेला शेतामध्ये असलेल्या विहीरीवर नागरिकांनी गर्दी केली होती. गणपती बाप्पा मोरया पुढच्या वर्षी लवकर या जयघोषात बाप्पाला आव्हाळवाडीत निरोप दिला.पारंपारिक वेशभूषेत कुटुंबातील महिलांसह सर्व सदस्य निरोप देताना उपस्थित होते.मंडळाचे गणपती टेम्पो मध्ये तर घरगुती गणपती दुचाकी, कार मध्ये आणि काही भक्तांनी पायी चालत बाप्पाला विसर्जनासाठी शेतातील विहीरी जवळ आणले.या ठिकाणी आरती करून बाप्पाचे विसर्जन करण्यात आले.