কাজিৰঙা ৰাষ্ট্ৰীয় উদ্যানত চোৰাং মৎস্য চিকাৰৰ অভিযোগত দুজনক আটক। কলিয়াবৰ মহকুমাৰ নজানৰ পৰা আটক জালাউদ্দীন আৰু আমীৰ আলী নামৰ দুজনক। উল্লেখ্যে যে কাজিৰঙা ৰাষ্ট্ৰীয় উদ্যানৰ বাগৰী বনাঞ্চলৰ অন্তৰ্গত বোকা বিলত গোপনে মৎস্য চিকাৰ কৰি ব্যৱসায় চলাই আছিল ধৃত লোকদুজনে।বৃহস্পতিবাৰে বনকৰ্মীয়ে অভিযান চলাই ৬০ কেজি মাছ, চিকাৰৰ সামগ্ৰীসহ দুয়োকে আটক কৰে।আটকাধীন লোক দুজনৰ বিৰুদ্ধে গোচৰ ৰুজু কৰি তদন্ত চলাইছে বন বিভাগে।