চিলাপথাৰ ডিমৌ আৰক্ষীয়ে খেদি খেদি আটক কৰিলে দুই বাইক চোৰসহ পালছাৰ বাইক

চিলাপথাৰ আৰক্ষী থানাৰ অন্তৰ্গত ডিমৌ তহলদাৰী আৰক্ষীয়ে আজি দিনৰ ১১ মান বজাত খেদি খেদি আটক কৰে দুই বাইক চোৰসহ পালছাৰ বাইক ৷ জানিব পৰা মতে চিলাপথাৰ কুলামুৱা গাঁৱৰ নিবাসী নিলকান্ত পেগুৰ পুত্ৰ মিগম পেগু(২৪) আৰু চিচিটঙানী বৰমুৰীয়া গাৱঁৰ নন্দেশ্বৰ পেগুৰ পুত্ৰ যুৱৰাজ পেগু(২০) মটৰচাইকেলখন যোৱা কালি নিশাৰ ১১ মান বজাত চিলাপথাৰৰ পদ্ম প্লাজা হোটেলখনৰ আগফালে ৰখাই থোৱা AS-22B/1495 নম্বৰযুক্ত বাইকখন এটা চোৰৰ দলে কৌশলেৰে চোৰি কৰি চিমেনমূখ টেঙাবাৰীৰ বায়েকৰ ঘৰত নিশাটো আশ্ৰয় লৈ আজি পুৱাই উলাই অহাৰ বাটতে ৰাইজে সন্দেহ উপজাত ডিমৌ তহলদাৰী আৰক্ষীক খৱৰ দিয়াত ঘটনাস্তলীত আৰক্ষী উপস্থিত হৈ প্ৰায় তিনি কিলোমিটাৰ বাইকেৰে খেদি খেদি আটক কৰে দুই চোৰসহ চোৰি হোৱা পালছাৰ বাইক । আৰক্ষীয়ে দুয়োকে আটক কৰি তদন্ত অব্যাহত ৰাখিছে বুলি জানিব পৰা গৈছে।