રાજપીપલામાં જિલ્લાકક્ષાનો યોજાયેલ કલામહાકુંભ ------------ કુલ-૨૩ કૃતિઓમાં બહોળી સંખ્યામાં સ્પર્ધકોએ લીધો ભાગ ------------ રાજપીપલા,શુક્રવાર :- નર્મદા જિલ્લામાં જિલ્લા યુવા વિકાસ અધિકારી, જિલ્લા રમત ગમત અધિકારીશ્રીની કચેરી દ્વારા સંચાલિત જિલ્લાકક્ષા કલામહાકુંભ -૨૦૨૨-૨૩ માં નર્મદા જિલ્લાકક્ષાનો કલામહાકુંભ શ્રી નવદુર્ગા હાઇસ્કુલ, રાજપીપલા ખાતે ગત બે દિવસ દરમિયાન યોજાયો હતો, જેમાં કુલ-૨૩ કૃતિઓમાં બહોળી સંખ્યામાં વિવિધ વયજુથ તથા વિવિધ કૃતિઓમાં સ્પર્ધકોએ ભાગ લીધો હતો. આ પ્રસંગે જિલ્લા શિક્ષણાધિકારીશ્રી જયેશ પટેલ, જિલ્લા રમત વિકાસ અધિકારીશ્રી વિષ્ણુ વસાવા, જિલ્લા રમતગમત અધિકારીશ્રી દિનેશ કદમ, કેમ્પસ ડાયરેક્ટરશ્રી નિમેષ પંડ્યા અને શાળાના આચાર્યશ્રી રીનાબેન પંડ્યા ઉપસ્થિત રહ્યાં હતાં. સમગ્ર કાર્યક્રમનું આયોજન જિલ્લા યુવા વિકાસ અધિકારી, જિલ્લા રમત ગમત અધિકારીની કચેરી શ્રી દિલીપ દેસાઇ દ્વારા કરવામાં આવ્યું હતું તેમ, એક અખબારી યાદીમાં જણાવાયું છે. ૦૦૦૦
