પાવીજેતપુર તાલુકાના સુસ્કાલ ગામેથી ૩૧,૮૯૬/- વિદેશી દારૂ તેમજ ગાડી મળી ૨,૮૬,૮૯૬ ના મુદ્દામાલ સાથે મધ્યપ્રદેશના આરોપી ની પાવીજેતપુર પોલીસે ધરપકડ કરી કાયદેસરની કાર્યવાહી હાથ ધરી છે.
પાવીજેતપુર પોલીસ વાંકી બીટ વિસ્તારમાં પેટ્રોલિંગમાં હતા તે દરમિયાન સુસ્કાલ ગામ પાસે હાજર હતા તે સમયે તેઓને બાતમી હકીકત મળેલ કે પાવીજેતપુર તરફથી એક સફેદ કલરની કારમાં ઇંગ્લિશ દારૂની ખેપ મારવામાં આવી રહી છે. બાતમી હકીકતના આધારે સુસ્કાલ ગામે રોડ ઉપર તપાસ વોચ ઊભા હતા તે દરમિયાન થોડીક વારમાં જ એક કાર આવતા તેને કોર્ડન કરી ઉભી રાખી ગાડી ચાલકનું નામ પૂછતા તેને પોતાનું નામ પ્રદીપભાઈ રમેશચંદ્ર સોની ( ઉંમર વર્ષ ૩૮ ) રામદેવજી મંદિર પાસે, બહાદરપુરા, તાલુકો જીલ્લો અલીરાજપુર, મધ્યપ્રદેશના હોવાનું જણાવ્યું. ગાડીની તપાસ કરતા ગાડીમાં એક ચોરખાણું બનાવેલ હોય તેમાં તપાસ કરતા ભારતીય બનાવટની ઇંગ્લિશ દારૂ ભરેલ ૭૨ નંગ બોટલો મળી હતી જેની કિંમત રૂપિયા ૩૧,૮૯૬/- થાય છે તેમજ આરોપી પાસેથી ૫૦૦૦/- નો મોબાઈલ મળી કુલ ૨,૮૬,૮૯૬/- ના મુદ્દામાં સાથે વિદેશી દારૂની ખેપ મારનાર ખેપીયાની ધરપકડ કરી પાવીજેતપુર પોલીસે કાયદેસરની કાર્યવાહી હાથ ધરી છે.
આમ, પાવીજેતપુર તાલુકાના સુસ્કાલ ગામેથી ૩૧,૮૯૬/- વિદેશી દારૂ તેમજ ગાડી મળી ૨,૮૬,૮૯૬ ના મુદ્દામાલ સાથે મધ્યપ્રદેશના આરોપી ની ધરપકડ કરી પાવીજેતપુર પોલીસે કાયદેસરની કાર્યવાહી હાથ ધરી છે.
