সোণাৰিৰ সামাজিক -সাংস্কৃতিক অনুষ্ঠান সমলয় গোষ্ঠীৰ উদ্যোগত অনুষ্ঠিত হোৱা শিশু নাট কৰ্মশালাৰ অংশ হিচাপে আজি সোণাৰিত বিশেষ নাট্য সন্ধিয়াৰ আয়োজন কৰা হৈছে। সোণাৰি ৰাজহুৱা প্ৰেক্ষাগৃহত সন্ধিয়াৰপৰা আৰম্ভ হোৱা এই নাট্য সন্ধিয়াত শিশু শিল্পী সকলৰ দ্বাৰা দুখন শিশুনাট মঞ্চস্থ কৰা হ'ব। সোণাৰি সমলয় গোষ্ঠীৰ সভাপতি উৎপল গগৈয়ে এই সন্দৰ্ভত জানিবলৈ দিয়া অনুসৰি নাট্যকাৰ, পৰিচালক এডিচন দেউৰীৰ "বানে ধোৱা গাঁও" আৰু এডিচন দেউৰীৰ পৰিচালনাত, নাট্যকাৰ হবীব তনবীৰ, অনুবাদক ভগীৰথী বাঈ ইছলাম আৰু অনুপ হাজৰিকাৰ "চৰণ দাস চোৰ" এই দুখন শিশু নাট মঞ্চস্থ কৰিব গ্ৰীষ্মকালীন শিশু নাট কৰ্মশালাৰ প্ৰশিক্ষাৰ্থীসকলে।